Уымӕн ӕмӕ нӕ тох адӕймаджы ныхмӕ нӕу, фӕлӕ ӕнӕбуар ӕлдӕртты ӕмӕ барджынты ныхмӕ, ацы талынг дунейы хицӕутты ныхмӕ, уӕлдӕфы чи ис, уыцы фыдӕххӕссӕг удты ныхмӕ.
Уӕдӕ уӕхи ӕрныллӕг кӕнут хъомысджын Хуыцауы раз ӕмӕ, афон куы ралӕууа, уӕд уӕ сбӕрзонд кӕндзӕн.
Уеппӕт сагъӕстӕ бакӕнут Йӕ бар, уымӕн ӕмӕ Йӕ мӕт сымахыл у.
Ут къӕрцхъус ӕмӕ цырд лӕуут, уымӕн ӕмӕ уӕ фыдгул хӕйрӕг цӕуы богътӕгӕнӕг домбайау ӕмӕ агуры, кӕй аныхъуыра, ахӕмты.
Фидар уырнындзинадимӕ ӕрлӕуут йӕ ныхмӕ – уе 'фсымӕртӕ дӕр ӕппӕт дунейы ахӕм тухӕнтӕ кӕй ӕвзарынц, уый сымах зонут.