Книга Бытие Cтих 8 | Параллельные места

Выбор основного перевода

Открыть комментарий или сравнить с другим переводом

Выбор книги основного перевода

Бытие Ветхий Завет

Новый Завет

От Матфея

От Марка

От Луки

От Иоанна

Деяния

Иакова

1. Петра

2. Петра

1. Иоанна

2. Иоанна

3. Иоанна

Иуды

К Римлянам

1. Коринфянам

2. Коринфянам

К Галатам

К Ефесянам

К Филиппийцам

К Колоссянам

1. Фессалоникийцам

2. Фессалоникийцам

1. Тимофею

2. Тимофею

К Титу

К Филимону

К Евреям

Откровение

Ветхий Завет

Бытие

Исход

← Предыдущая

Бытие

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50

Ӕрцыди рӕстӕг, ӕмӕ Иуда ныууагъта йе 'фсымӕрты ӕмӕ ӕрцард иу одолламаг лӕджы фарсмӕ, йӕ ном – Херам.

Уым Иуда федта, йӕ ном Шуа кӕмӕн уыди, уыцы ханаанаг лӕджы чызджы, ракуырдта йӕ ӕмӕ бацард йемӕ.

Сылгоймаг басывӕрджын, ныййардта лӕппу ӕмӕ йыл Иуда сӕвӕрдта ном – Эр.

Ногӕй басывӕрджын, ныййардта та йын лӕппу ӕмӕ йыл сӕвӕрдта ном – Онан.

Ныййардта ма ноджыдӕр иу лӕппу ӕмӕ йыл сӕвӕрдта ном – Шела. Уыцы лӕппуйы куы ныййардта, уӕд Иуда уыди Хезивы.

Иуда йӕ хистӕр фырт Эрӕн ракуырдта ус, йӕ ном – Фамар.

Фӕлӕ Иудайы хистӕр фырт Эр Хуыцауы цӕсты уыди тӕригъӕдджын, ӕмӕ йын Хуыцау аскъуыдта йӕ цард.

Уӕд Иуда загъта Онанӕн: «Ӕриу у де 'фсымӕры усимӕ; йӕ тиу дӕ, ӕмӕ де 'фсымӕрӕн рауадз байзӕддаг».

Параллельные места

От Матфея 22:24

«Ахуыргӕнӕг, Моисей загъта: „Исчи ӕнӕзӕнӕгӕй куы амӕла, уӕд ын йе 'фсымӕр ракурӕд йӕ усы ӕмӕ цот рауадзӕд йе 'фсымӕрӕн".

Фӕлӕ Онан зыдта, сывӕллӕттӕ йӕхи кӕй нӕ уыдзысты, уый. Уымӕ гӕсгӕ йе 'фсымӕры усимӕ ӕриуы размӕиу йӕ мыггаг акалдта зӕхмӕ, йӕ ӕфсымӕрӕн байзӕддаг куыд нӕ рауадза, афтӕ.

Онан цы арӕзта, уый Хуыцауы цӕсты уыди тӕригъӕд, ӕмӕ уымӕ гӕсгӕ Хуыцау Онанӕн дӕр аскъуыдта йӕ цард.

Уӕд Иуда йӕ чындз Фамарӕн загъта: «Цалынмӕ мӕ фырт Шела бахъомыл уа, уӕдмӕ уал дӕ фыды хӕдзары ацӕр идӕдзӕй». Уымӕн ӕмӕ Иудайы хъуыды ахӕм уыд: «Шела дӕр йе 'фсымӕртау куы амӕла». Фамар ацыд ӕмӕ цӕрын райдыдта йӕ цӕгаты.

Дзӕвгар рӕстӕг куы рацыд, уӕд амард Иудайы ус, Шуайы чызг. Иудайы хъыг куы фӕмынӕгдӕр, уӕд йӕ хӕларимӕ, одолламаг Херамимӕ, ссыди Фамнамӕ, йӕ фысты ӕлвынджытӕм.

Фамарӕн фехъусын кодтой: «Дӕ хицау фӕцӕуы Фамнамӕ, йӕ фос ӕлвынынмӕ».

Фамар раласта йӕ идӕдзы дарӕс, йӕхи бамбӕрзта уӕлгуырӕй ӕмӕ сбадт Енаимы кулдуары цур – Фамнамӕ фӕндаг кӕуылты цӕуы, уым. Фамар хорз зыдта: Шела ралӕг, фӕлӕ йын ӕй нӕ курынц.

Иуда Фамары куы федта, уӕд ын хӕтаг сыл ӕнхъӕл уыд, уымӕн ӕмӕ Фамар йӕ цӕсгом бамбӕрзта.

Иуда йӕм фӕзылд ӕмӕ йын загъта: «Бар мын ратт хуыссӕны демӕ ӕриуӕн». Йӕ чындз кӕй у, уый та Иуда нӕ зыдта. Сылгоймаг бафарста: «Мемӕ куы ӕриу уай, уӕд мын цы ратдзынӕ?»

Иуда йын дзуапп радта: «Сӕныкк дын рарвитдзынӕн мӕ дзугӕй». Сылгоймаг бафарста: «Цы мӕм ныууадздзынӕ, цалынмӕ сӕныкк ӕрбарвитай, уӕдмӕ?»

Иуда загъта: «Цы дӕм ныууадзон?» Сылгоймаг дзуапп радта: «Дӕ мыхуыр, дӕ астӕубӕттӕн ӕмӕ, дӕ къухы цы лӕдзӕг ис, уый». Иуда йын сӕ радта, стӕй ӕриу йемӕ, ӕмӕ Фамар басывӕрджын.

Фамар уырдыгӕй куы ацыд, уӕд раласта йӕ уӕлгуыр, ӕмӕ та скодта йӕ идӕдзы дарӕс.

Уӕдмӕ Иуда йӕ одолламаг хӕларӕн арвыста сӕныкк, уыцы сылгоймагӕй йӕ дзаумӕттӕ куыд райса, афтӕ; фӕлӕ йӕ не ссардта йӕ хӕлар.

Уӕд бафарста бынӕттон цӕрджыты: «Кӕм ис, Енаимы фӕндаггӕрон чи бадтис, уыцы хӕтаг сылгоймаг?» Дзуапп ын радтой: «Ам хӕтаг сылгоймаг нӕ уыди».

Хӕлар ӕрбаздӕхт Иудамӕ ӕмӕ загъта: «Уыцы сылгоймаджы не ссардтон; стӕй мын бынӕттон цӕрджытӕ дӕр загътой: „Ам хӕтаг сылгоймаг нӕй“».

Иуда загъта: «Цы йӕм ис, уый ныууадзӕд йӕхицӕн, науӕд ныл адӕм худдзысты. Ӕз ын арвыстон сӕныкк, фӕлӕ йӕ ды не ссардтай».

Ӕртӕ мӕйы бӕрц куы рацыд, уӕд Иудайӕн загътой: «Дӕ чындз Фамар авнӕлдта хӕтынмӕ ӕмӕ басывӕрджын». Иуда загъта: «Ракӕнут ӕй ӕмӕ йӕ басудзут».

Фамары куы ракодтой, уӕд арвыста йӕ хицауӕн зӕгъынмӕ: «Ацы дзаумӕттӕ кӕй сты, уыцы лӕгӕй басывӕрджын дӕн». Ноджы ма загъта: «Базонма, кӕй сты мыхуыр, астӕубӕттӕн ӕмӕ лӕдзӕг?»

Иуда сӕ базыдта ӕмӕ загъта: «Уый мӕнӕй растдӕр у, уымӕн ӕмӕ йӕ мӕ фырт Шелайӕн нӕ радтон». Ӕмӕ уӕдӕй фӕстӕмӕ Фамармӕ ӕмгӕрон нал бацыди.

Фамарӕн йӕ арыны афон куы ралӕууыд, уӕд сбӕлвырд, фаззӕттӕ йӕм кӕй ис, уый.

Арын куы райдыдта, уӕд сывӕллӕттӕй сӕ иуӕн разынд йӕ къух; ӕвгъӕдгӕс сылгоймаг райста сырх ӕндах, бабаста йын ӕй йӕ къухыл ӕмӕ загъта: «Фыццаг ай райгуырд».

Фӕлӕ сывӕллон йӕ къух фӕстӕмӕ байста, ӕмӕ райгуырд йе 'фсымӕр. Уӕд ӕвгъӕдгӕс загъта: «Уый цы амалӕй рабырстай?» Ӕмӕ йыл сӕвӕрдтой Фарес.

Уый фӕстӕ райгуырд йе 'фсымӕр сырх ӕндахимӕ йӕ къухыл. Ӕмӕ йыл сӕвӕрдтой Зара.

← Предыдущая

Бытие

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50

Выбор основного перевода