Ким эслеп болар дагъы оьзюню янгылышларын? Билмей этип къойгъан гюнагьларымдан тазала дагъы мени.
Шоланы этип турдунг сен, Мен буса пысып турдум. Мен де сени йимикмендир деп ойлашдынг сен. Ачып берермен юзюнгню, аянгъа чыгъарып къоярман айыпларынгны сени.
Мен билдиреген Сююнч Хабаргъа гёре, Аллагь инсанланы яшыртгъын ишлерине ва ойларына Иса Месигьден таба дуван этеген къыяматгюн муна шолай болажакъ.
Яратылгъан бир затны да Аллагьдан яшырылагъаны болмас. Ону алдында бары да зат ачылгъан ва Ону гёзлери бары да затны гёре. Бары да зат учун биз Ону алдында жавап бережекбиз.