Аллагь кёкде ярыкъ береген эки затны яратгъан: гюндюзлеге гьакимлик этмек учун уллусун, гечелеге гьакимлик этмек учун гиччисин ва юлдузланы яратгъан.
Кёклер Аллагьны макътавлугъун билдирип тура, кёкню гюмези де Ону къолларындан чыкъгъан ишни гьакъында хабар берип тура.
Сеникидир кёклер, Сеникидир ер юзю де. Дюньяны, шону ичиндеги бары да затны къургъан Сенсендир.
Гючлю агь урувларымдан сюегимден де, гёнюмден де къайры зат къалмады.
Зордур Раббибизни ишлери, ойлашып турар шолардан сююнегенлени барысы да.
Гечелеге гьакимлик этмек учун ай булан юлдузланы яратгъан Раббибизге – гьар даимгедир зор сюювю Ону;
Дюнья яралгъандан берли Аллагьны гёзге гёрюнмейген белгилерин, демек даимлик къудратын ва Аллагьлыгъын гьакъыл булан англамагъа бола. Шолар О яратгъан бары да затларда гёрюнюп тура. Шогъар гёре шо адамлар Аллагьны алдында айыплы къала.