Гьакъ юрегим булан Сагъа макътав этип турарман, Раббим; Сени гьайран ишлерингни гьакъында да билдирип турарман.
Аллагьым, оланы заманында, бырынгъы заманларда Сен этген ишни оьзюбюзню къулакъларыбыз булан эшитдик, ата-бабаларыбыз хабарлады бизге.
Биз бусакъ, Сени халкъынг, Сен гьайын этеген къойларынг, Сагъа даим шюкюрлюк этип, наслудан-наслугъа макътав этип турарбыз.
Ювукъдур Раббибиз Оьзюню атын тутуп чакъырыв этегенлени барысына да, гьакъ юрекден чакъырыв этегенлени барысына да.