Сени шабагьатлагъанны Мен де шабагьатлажакъман! Сени налатлагъанны Мен де налатлажакъман! Дюньяны бары да халкъларына сенден таба шабагьат болажакъ!
Мени буйругъумну кютгенинг саялы, сени наслуларынгдан таба дюньяны бары да халкъларына шабагьат этилежек.
Гьар заманда да болуп турар наслусу ону, гюнешдей алдымда турар ону тахы да.
Гьар даим де макътавлар болсун дагъы Раббибизге! Къуванып къалсын дагъы Оьзюню ишлеринден Раббибиз!
О Оьзюню инг гиччи бир къулу болгъан магъа тергев берди. Энниден сонг бары да наслулар магъа насипли деп айтажакълар.
Аллагь ят халкъланы оьзлени иманына гёре къабул этежеги Сыйлы Язывларда алданокъ билдирилген. Шогъар гёре Аллагь Ибрагьимге: «Бары да халкълагъа Аллагь сенден таба берекет берер», – деп ваъда этген.
Ибрагьимге ва ону авлетине берилген ваъдалар булан да лап шолай болду. Тергев этигиз чи, Сыйлы Язывларда «авлетлерине» деп айтылмагъан, «авлетине» деп айтылгъан. «Авлети» буса Месигьдир.