Сувдай агъылып гетди яшавум мени; бары сюеклерим де тёгюлюп гетди мени; юрегим де балавуздай ирип гетди ичимде.
«Раббим! Рагьму эт магъа, сав этип къой мени, неге тюгюл де гюнагь этип къойдум Сени алдынгда», – деп айтдым мен.
Оьзюнгдеги зор сююв булан рагьму эт магъа, Аллагьым, жинаятчы ишлеримни де Оьзюнгдеги зор языкъсыныв булан ёкъ этип къой Сен.
Юрегим сынып, къуругъан отдай гююп битди чи, гьатта ашымны ашама да унутуп къаламан мен.
Тая турагъан гёлентки йимикдир оьмюрюм мени, отдай гююп битдим мен де.