Раббибизден гелеген къоркъув таза, гьар даим де болуп тура. Раббибизни дуванлары гьакъ герти, бары да тюппе-тюз.
Сени уьстюнлюгюнгден сююнюп турарбыз биз, Аллагьыбызны атын тутуп байракъ гётерербиз. Бары да тилевлерингни яшавгъа чыгъарсын дагъы Раббибиз.
Аллагьны аминлигин гёрсетип, ягьудилени ата-бабаларына этген Оьзюню ваъдасын яшавгъа чыгъаргъанын гертилемек учун, Месигь ягьудилени къуллукъчусу болду деймен мен сизге. Месигь шону оьзлеге бакъгъан якъдагъы рагьмусу саялы ят халкълар Аллагьны макътап болсун учун этген. Сыйлы язывларда шо гьакъда булай айтылгъан: Шо саялы Сени ят халкъланы арасында макътажакъман ва Сени алгъышлап йырлажакъман.