Ёгъесе, олар арсландай йыртып, паралап, гесек-гесегимни чыгъарып къоярлар, мени къутгъармакъ учун гьеч бирев де табулмай къалар.
Майдыр йымышакъ авузу ону, юрегинде буса оьчлюк бардыр ону. Зайтун майдыр йылы сёзю ону, амма сувурулгъан къылычдыр оьзю ол.
Къылычдай иттилешдирип токътагъанлар олар тиллерин. Айыпсызгъа яшыртгъынлап урма тартылгъан жаядай оланы аччы сёзлери. Олар хапарсыздан уралар огъар, къоркъма да къоркъмайлар.
Ер юзюндеги бары да пакъырланы да, адамланы арасындагъы ажизлени де таламакъ учун тишлерин хынжаллардай, ченелерин бичакълардай этип айланагъан бир тайпалар болар.