«Оьзюмню сыйлы болгъан Сион тавумну уьстюнде Мен Пачамны танглап алдым».
Шат этип тура Аллагьны шагьарын, Аллагьу-Тааланы яшайгъан сыйлы ерин оьзенлени агъымлары.
Макътавлу зат билдирилип тура сени гьакъынгда, Аллагьны шагьары!
Неге тюгюл де, зордур, макътавлагъа лайыкълыдыр Раббибиз, бары да аллагьлардан да къоркъунчлудур Ол.
Зор уллудур, гьар-бир макътавлар тийишлидир Раббибизге, тюшюнме де къыйындыр зорлугъуна Ону.
Тюгюл! Сиз Сион тавгъа, гьакъ Аллагьны шагьары болгъан Кёклени Ерусалимине ва минглер булан къуванчлыкъгъа жыйылгъан малайиклени янына гелдигиз.
Уьстюн гелгенни Аллагьны ибадатханасыны орта багъанасы этермен. О ондан бир заманда да гетмес. Ону уьстюне Мен Аллагьымны атын, Аллагьымныки болгъан шагьарны – кёкден, Аллагьны янындан тюшюп гелген янгы Ерусалимни атын ва Мени янгы атымны язажакъман.
Къарагъанда, мен Къозуну гёрдюм. О Сион тавну уьстюнде токътагъан эди. Ону булан бирге 144000 гиши де бар эди. Оланы мангалайларына Къозуну ва Ону Атасыны атлары язылгъан эди.