Къутгъарып, гьар даимге де макътавлу этип къойдунг Сен ону, зорлукъ булан жавгьарлыкъ берип къойдунг Сен огъар.
Ким экен дагъы макътавлу шо Пача? Къатты, къуватлы Раббибиздир, дав майданда къуватлы болгъан Раббибиздир.
Неге тюгюл де, Аллагьны каламы жанлы ва иш гёре, о эки де яны оьтеген къайсы къылычдан да итти. О бизге шонча да терен оьте чи, гьатта жанны ругьдан, бувунланы сюеклерден айырып къоя.
Онг къолунда етти юлдуз бар эди, авзундан да эки де яны итти бир къылыч чыгъып геле эди. Бети шавлалы гюнеш йимик ярыкъ бере эди.
Халкъланы къырмакъ учун, Ону авзундан чыкъгъан итти бир къылычы бар эди. О олагъа къатты низам салып гьакимлик этежек. Бары да затны Еси болгъан Аллагьны бек гючлю къазапланывуну юзюм сыгъагъан еринде чагъыр сыгъажакъ.