Аллагьым! Гюндюзлер чакъырыв этемен – гьеч къулакъасмайсан Сен магъа, гечелер де чакъырыв этемен – гьеч рагьатлыкъ ёкъ магъа.
Чакъырыв эте эдилер олар Сагъа, къутгъарылып къала эдилер олар да; Сагъа эдилер умут этеген олар, гьеч илыкъма да тюшмей эди олагъа.
Мен къардашларыма Сени атынгны айтажакъман ва Сени халкъынг жыйылгъанда, Сагъа макътав этежекмен.
Уьйрет дагъы, Раббим, Оьзюнгню ёлунга, душманларымны хатири учун тюз сокъмакъгъа да сал мени.
Къоркъунчлу ордан, бакъа йибекли батмакълыкъдан чыгъарып алып къойду мени. Ташны уьстюнде эретургъузуп, аякъларымны беклешдирип къойду мени.
Авзум булан къычырып алгъыш этермен Раббиме мен де, кёплени арасында макътав этермен Огъар.