Книга Псалтирь Cтих 12 | Параллельные места

Выбор основного перевода

Открыть комментарий или сравнить с другим переводом

Выбор книги основного перевода

Псалтирь Ветхий Завет

Ветхий Завет

Бытие

Псалтирь

Притчи

Новый Завет

От Матфея

От Марка

От Луки

От Иоанна

Деяния

Иакова

1. Петра

2. Петра

1. Иоанна

2. Иоанна

3. Иоанна

Иуды

К Римлянам

1. Коринфянам

2. Коринфянам

К Галатам

К Ефесянам

К Филиппийцам

К Колоссянам

1. Фессалоникийцам

2. Фессалоникийцам

1. Тимофею

2. Тимофею

К Титу

К Филимону

К Евреям

Откровение

← Предыдущая

Псалтирь

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150

Давутну йыры. Сагъадыр, Раббим, жаным булан талпынагъаным мен.

Аллагьым! Сагъадыр мен умут этеген. Гьеч илыкъмасман мен, душманларым да мени къайгъымны уьстюнден сююнюп къалмасын дагъы.

Илыгъып къалмасын дагъы Сагъа умут этегенлени барысы да; илыгъып къалсын дагъы негьакъ яманлыкъ этегенлер.

Ёлларынгны гёрсет дагъы, Раббим, магъа, сокъмакъларынгдан юрюме де уьйрет дагъы мени.

Гьакъ гертилигингни сокъмагъы булан алып юрю мени, уьйретип тур мени; неге тюгюл де къутгъарылывумну Аллагьы Сенсендир; гьар гюн де Сагъадыр мен умут этеген.

Рагьмулукъларынгны да, зор сюювюнгню де эсге ал, Раббим, неге тюгюл де гьар даим де бар затлардыр шолар.

Жагьиллигимдеги гюнагьларымны да, айыпларымны да эсге алып къойма дагъы; зор сюювюнг булан эсге ал дагъы мени Сен, Сендеги яхшылыкъны хатиринден, Раббим!

Рагьмулудур, адиллидир Раббибиз; шо саялыдыр Ол гюнагьлылагъа тюз ёл гёрсетегени.

Ол юваш хасиятлыланы гертиликге бакъдырагъаны, юваш хасиятлыланы Оьзюню ёлларына салагъаны да.

Оьзю булангъы разилешивню, Оьзюню буйрукъларын кютегенлеге Раббибизни бары да ёллары зор сюювдюр, аминликдир.

Атынгны гьюрметинден, Раббим, гечип къой дагъы гюнагьларымдан, неге тюгюл де эпсиз кёпдюр шолар.

Раббибизден къоркъагъан адам ким экен дагъы? Шо адамгъа Ол тийишли ёлну гёрсетип берер.

Параллельные места

Псалтирь 31:8

«Уьйретермен, юрюме герек ёлунга саларман сени; насигьат берермен, гьайынгны да этермен сени.

Ол эсенликде-аманлыкъда къалар, наслулары да топуракъгъа варис болуп токътар.

Раббибизни сырлары янгыз Оьзюнден къоркъагъанлар учундур, Оьзю булангъы разилешивюн де Раббибиз олар учун ачыкъ этип къояр.

Гёзлерим гьаман да Раббибизге багъып турар; неге тюгюл де аякъларымны тордан къутгъарагъан Олдур.

Гёз къарат чы магъа, рагьмулу бол чу, неге тюгюл де янгызман, зулмуну тюбюнде де къалып тураман мен.

Юрегимни дертлери артып гетди; балагьларымдан азат эт дагъы мени.

Къайгъыма, мени къыйынларыма гёз къарат чы, бары гюнагьларымдан да гечип къой дагъы мени.

Къара чы мени душманларыма, нечик кёпдюр олар, нечик оьжетли кюйде гёрюп ярамайлар олар мени.

Сакъла дагъы жанымны, азат да этип къой мени. Гьеч илыкъмасман мен, неге тюгюл Сагъадыр аркъатаяйгъаным.

Тазалыкъ да, тюзлюк де сакълап турсун дагъы мени, неге тюгюл де Сагъадыр мен умут этегеним.

Азат эт дагъы, Аллагьым, Исрайылны бары къайгъыларындан.

← Предыдущая

Псалтирь

Выбор основного перевода