Янгурну орнуна бурчакъны, гюйдюртеген отну явдуруп къойду оланы топурагъына.
Ол айтып да битгенче, алатолпан гётерилип йиберип, толкъунланы гётерип йибере бийиклеге.
Олдур Оьзюню сёзюн ер юзюне тюшюреген; тез яйылып къалар буйругъу да Ону.
Олдур мамукъдай ап-акъ къарны явдуруп къоягъан, кюлдей къырав салдырып къоягъан да.
Таш йимик буз явдуруп къояр Ол. Ким чыдап болар экен дагъы Ону сувукълугъуна?
Бир сёз айтып къояр Ол – ирип къалар шолар бары да; елни уьфюртюп къояр – агъылып йиберер сувлар да.