Раббибизден гелеген къоркъув таза, гьар даим де болуп тура. Раббибизни дуванлары гьакъ герти, бары да тюппе-тюз.
Оьзюнден къоркъагъанланы, Оьзюню зор сюювюне умут этегенлени гьайын этип турар Раббибиз.
Раббибизни атындан къоркъуп турарлар халкълар, Сени макътавлугъунгдан къоркъуп турарлар ер юзюндеги пачалар да.
Неге тюгюл де, ушатып къояр Раббибиз Оьзюню халкъын, къутгъарып, нюрлендирип къояр мисгинлени де Ол.
О гьар миллетни арасындан Оьзюнден къоркъагъанланы ва гьакъ ишлер этегенлени къабул эте.