Мен бусам Сени рагьмунга инанаман; юрегим Сенден гелеген къутгъарылывдан къуванып тура; магъа яхшылыкъ этген Раббимни макътап йырларман мен.
Раббибизге макътав этип турар жаным мени; юваш хасиятлылар эшитип, сююнюп йиберерлер.
Сени атынгны хатири учун сав этип къой чу, Раббим, мени. Сендеги адилликни хатири учун балагьдан къутултуп къой чу мени.
Олдур зулмулангъанлагъа адиллик этеген, ач къалгъанлагъа рызкъысын береген де; Раббибиздир есирлени азат этеген.