Аллагьым! Сагъадыр мен умут этеген. Гьеч илыкъмасман мен, душманларым да мени къайгъымны уьстюнден сююнюп къалмасын дагъы.
Илыгъып къалмасын дагъы Сагъа умут этегенлени барысы да; илыгъып къалсын дагъы негьакъ яманлыкъ этегенлер.
Аллагь ортасындадыр шону; гьеч бюдюремес дагъы шо шагьар: кёмек этер танг булан шогъар Аллагь.
Гьалал адам гьеч бир де бюдюремес, намуссузлар буса ер юзюнде яшап къалмас.
Англавлу кюйде иш гёрген талайлыкъ табар, Раббибизге аркъа таягъан да насиплидир.
Хохабаз адам эришивлюк тувдурар, Раббибизге умут этегени буса леззет алар.
Адамлардан къоркъагъан тузакъгъа тюшер, Раббибизге аркъа таяйгъан буса аманлыкъда къалар.