Раббим варислигимни бир пайыдыр. Къысматым Сени къолунгдадыр.
Душманларымны гёре туруп алдымда аш онгарып салдынг, зайтун май сюртдюнг башыма; ички аягъым да шып-шып толгъан мени.
Онг янынгда токътагъанны, Оьзюнг учун оьсдюрген халкъны уьстюнде болсун дагъы якълавунг Сени.
Шюкюр этигиз чи Раббибизге, Ону атын тутуп чакъырыв этигиз чи. Халкъланы арасында билдирип юрюгюз чю Ону ишлерин.
Раббибизни алдында экмек бёлюв адатны кюте туруп, Аллагьгъа шюкюр этеген аякъны ичгенде, биз Месигьни къанына пайчы болмайбызмы дагъы? Шо адатны кюте туруп, экмекни сындырып ашайгъанда, биз Месигьни къаркъарасына пайчы болмайбызмы дагъы?