Раббибиз Оьзюню сыйлы ибадатханасындадыр; Ону тахы кёклердедир. Ону гёзлери гёрюп турар; Ону гёз къапгъачлары да инсанланы сынап турар.
Гьар саным булай деп айтар: «Раббим! Сендей ким болур? Гючсюзню гючлюден, пакъырны да, ярлыны да талавурчудан азат этеген Сенсендир».
Неге тюгюл де, ким бола дагъы кёклерде Раббибиз булан тенг болуп? Ким бола дагъы Аллагь яратгъанланы арасында Раббибизге ошап?
Кёклердедир Раббибиз Оьзюню тахын салгъаны, Олдур бары да затланы уьстюнде гьакимлик этип турагъан да.
Кютюп къоядыр магъа ваъда этген затын Раббибиз! Гьар даимгедир зор сюювюнг Сени, Раббим. Оьз къолларынг булан яратгъан затларынгны къоюп къойма дагъы Сен.
О Оьзюню инг гиччи бир къулу болгъан магъа тергев берди. Энниден сонг бары да наслулар магъа насипли деп айтажакълар.