Сююмлюлеринг азат болуп къалсын учун, эшитип къой дагъы мени, онг къолунг булан къутгъарып да къой.
Оьзюню Сыйлы еринде булай деп айтды Аллагь: «Оьр чыгъарман, пайларман Шегьемни, Суккот къолну да оьлчермен.
Гилатымдыр, Манассиямдыр, башымдагъы темир бёркюмдюр Ефрем Мени, гьакимлигимни таягъыдыр Ягьуда Мени,
Легенимдир Моав Мени, Эдомда болур чарыкъларым да Мени. Уьстюнлюк булан къычырарман Филистим топурагъанда Мен».
Ким гийирер экен беклешген шагьаргъа мени? Ким етишдирер экен Эдомгъа ерли мени?
Сен тюгюлмюсен дагъы, бизин гери ургъан Аллагьым. Асгерлерибиз булан бирче чыкъма да чыкъмайсан, Аллагьым!
Душмангъа къаршы кёмеклеш дагъы Сен бизге; гьеч пайда ёкъдур инсанланы кёмегинден.
Аллагь булан къазанарбыз уьстюнлюкню биз. Йыгъып къояр Ол душманларыбызны бизин.