Иса дагъы да кёлню ягъасына бара. Бютюн халкъ да Ону янына жыйыла. Иса олагъа Аллагьны каламын англатмагъа башлай.
Сонг Иса уьюне къайта ва онда онча да кёп халкъ жыйыла чы, Исаны ва Ону якъчыларыны гьатта ашамагъа да имканлыгъы болмай.
Адамлар англап болагъан чакъы Иса оланы дагъы да булай кёп масаллар булан уьйретип тура.
Иса да олагъа: – Гьали бир чет ерге барайыкъ, шонда бираз рагьатланыгъыз, – дей. Неге тюгюл де, гелеген-гетегенлер онча да кёп бола чы, оланы гьатта ашамагъа сама заманы болмай.