Шо заманда булай деп айтдынг: «Танглагъаным Давут булан разилешив бегетдим Мен, булай деп ант эте эдим къулум болгъан огъар:
„Даимге беклешдирер мен наслунгну, наслудан наслугъа токъташдырарман тахынгны“».
Олар да булай дей: – Ягьудеяны Байтлагьам шагьарында, неге тюгюл пайхаммар булай язгъан:
Гьей сен Ягьудея топурагъындагъы Байтлагьам, Ягьудеяны баш шагьарларыны арасында сен инг гиччиси саналмайсан. Неге тюгюл де, исрайыл халкъымны гьайын этеген башчы сенден чыгъажакъ.
– Месигьни гьакъында сиз не ойлашасыз? О кимни Уланыдыр? – деп сорай. Фарисейлер Огъар: – Давутну Наслусу, – деп жавап берелер.
Юсуп Давутну агьлюсюнден болгъан. Гьисапгъа алынмакъ учун, о Галилеядагъы Назарет шагьардан Ягьудеяда ерлешген Байтлагьам деген Давут тувгъан шагьаргъа багъып ёлгъа тюше. Юсуп булан шо вакътилерде айлы болгъан гелешмиши Мариям да бара.