Топуракъны гьайын этесен Сен, сувсаплыгъын басдырып, аявсуздан бай этип къоясан шону. Аллагьны агъымында кёп сув бардыр. Инсанлагъа экмек бересен, неге тюгюл де шолай онгарып къойгъансан топуракъны Сен.
Сувдан тойдурасан топуракъны харшларын Сен, уллу гесеклерин тегишлейсен, янгур тамчылар булан йибитесен, оьсюмлюклерин берекетли этесен шону.
Олдур кёкню булутлар булан ябып къоягъан, топуракъгъа янгур явдурагъан, тавларда от оьсдюрюп къоягъан да.
Бизин гьарибизден йыракъда тюгюл буса да, адамлар Оьзюн излесин учун, янына гелип Оьзюн тапсын учун, Аллагь шо затланы этди.
Дюнья яралгъандан берли Аллагьны гёзге гёрюнмейген белгилерин, демек даимлик къудратын ва Аллагьлыгъын гьакъыл булан англамагъа бола. Шолар О яратгъан бары да затларда гёрюнюп тура. Шогъар гёре шо адамлар Аллагьны алдында айыплы къала.