Книга Второе послание к Тимофею Cтих 15

Он же рече им: сего ради всяк книжник, научився царствию небесному, подобен есть человеку домовиту, иже износит от сокровища своего новая и ветхая. Рече же Господь: кто убо есть верный строитель и мудрый, егоже поставит господь над челядию своею, даяти во время житомерие? Сия вся сказуя братии, добр будеши служитель Иисуса Христа, питаемь словесы веры и добрым учением, емуже последовал еси. О всем сам себе подавая образ добрых дел, во учении независтное, честность, нетление, слово здравое, незазорное. да противный посрамится, ничтоже имея глаголати о нас укорно. Блажен муж, иже претерпит искушение: зане искусен быв, приимет венец жизни, егоже обеща Бог любящым его.

Скверных же тщегласий отметайся: наипаче бо преспеют в нечестие,

и слово их яко гаггрена жир обрящет: от нихже есть именей и филит,

иже о истине погрешиста, глаголюща, яко воскресние уже бысть: и возмущают некоторых веру.

Твердое убо основание Божие стоит, имущее печать сию: позна Господь сущыя своя, и: да отступит от неправды всяк именуяй имя Господне.

В велицем же дому не точию сосуди злати и сребряни суть, но и древяни и глиняни: и ови убо в честь, ови же не в честь.

Аще убо кто очистит себе от сих, будет сосуд в честь, освящен и благопотребен влдце, на всякое дело благое уготован.

Похотей юных бегай, держися же правды, веры, любве, мира со всеми призывающими Господа от чистаго сердца.

Буих же и ненаказанных стязаний отрицайся, ведый, яко раждают свары:

рабу же Господню не подобает сваритися, но тиху быти ко всем, учителну, незлобиву,

с кротостию наказующу противныя, еда како даст им Бог покаяние в разум истины,

и возникнут от диаволския сети, живи уловлени от него в свою его волю.

← Предыдущая

Второе послание к Тимофею

1 2 3 4

Выбор основного перевода