Книга Второе послание к Тимофею Cтих 7

И се аз послю обетование оца моего на вы: вы же седите во граде иерусалимсте, дондеже облечетеся силою свыше. Мир оставляю вам, мир мой даю вам: не якоже мир дает, аз даю вам. Да не смущается сердце ваше, ни устрашает. не приясте бо духа работы паки в боязнь, но приясте духа сыноположения, о немже вопием: Авва Отче. и избавит сих, елицы страхом смерти чрез все житие повинни беша работе. Страха несть в любви, но совершенна любы вон изгоняет страх, яко страх муку имать: бояйся же не совершися в любви.

Не постыдися убо страстию Господа нашего Иисуса Христа, ни мною юзником его: но спостражди благовествованию по силе Бога,

спсшаго нас и призвавшаго званием святым, не по делом нашым, но по своему благоволению и благодати данней нам о Христе Иисусе прежде лет вечных,

явльшейся же ныне просвещением спасителя нашего Иисуса Христа, разрушившаго убо смерть и возсиявшаго жизнь и нетление благовествованием,

в неже поставлен бых аз проповедник и апостол и учитель языков.

Еяже ради вины и сия стражду: но не стыждуся. Вем бо, емуже веровах, и известихся, яко силен есть предание мое сохранити в день он.

Образ имей здравых словес, ихже от мене слышал еси, в вере и любви, яже о Христе Иисусе.

Доброе завещание соблюди духом святым живущим в нас.

Веси ли сие, яко отвратишася от мене вси, иже от асии, от нихже есть фигелл и ермоген.

Да даст милость Господь онисифорову дому, яко многажды мя упокои и вериг моих не постыдеся,

но пришед в рим, тощнее взыска мя и обрете:

да даст ему Господь обрести милость от Господа в день он: и елико во ефесе послужи ми, добрее ты веси.

Второе послание к Тимофею

1 2 3 4

Выбор основного перевода