Книга Второе послание к Коринфянам Cтих 6

не посла бо мене Христос крестити, но благовестити, не в премудрости слова, да не испразднится крт Христов. и аз пришед к вам, братие, приидох не по превосходному словеси или премудрости возвещая вам свидетельство Божие. не судих бо ведети что в вас, точию Иисуса Христа, и сего распята. яже и глаголем не в наученых человеческия премудрости словесех, но в наученых духа стаго, духовная духовными сразсуждающе. но отрекохомся тайных срама, не в лукавствии ходяще, ни льстяще словесе Божия, но явлением истины представляюще себе ко всяцей совести человечестей, пред Богом. Яко послания убо, рече, тяжка и крепка, а пришествие тела немощно, и слово уничиженно: о немже можете чтуще разумети разум мой в тайне Христове,

Или грех сотворих себе смиряя, да вы вознесетеся, яко туне Божие благовествование благовестих вам?

От иных церквей уях, приим оброк к вашему служению: и пришед к вам, и в скудости быв, не стужих ни единому:

скудость бо мою исполниша братия, пришедше от македонии: и во всем без стужения вам себе соблюдох и соблюду.

Есть истина Христова во мне, яко похваление сие не заградится о мне в странах ахайских.

Почто? зане не люблю ли вас? Бог весть. А еже творю, и сотворю,

да отсеку вину хотящым вины, да, о немже хвалятся, обрящутся якоже и мы.

Таковии бо лживи апостоли, делателе льстивии, преобразующеся во апостолы Христовы.

И не дивно: сам бо сатана преобразуется во ангела светла:

не велие убо, аще и служителие его преобразуются яко служители правды: имже кончина будет по делом их.

Паки глаголю: да никтоже мнит мя безумна быти: аще ли ни, поне яко безумна приимите мя, да и аз мало что похвалюся.

А еже глаголю, не глаголю по Господе, но яко в безумии в сей части похвалы:

понеже мнози хвалятся по плоти, и аз похвалюся.