Книга Второе послание к Фессалоникийцам Cтих 6

Аще же согрешит к тебе брат твой, иди и обличи его между тобою и тем единем: аще тебе послушает, приобрел еси брата твоего: аще ли тебе не послушает, поими с собою еще единаго или два, да при устех двою или триех свидетелей станет всяк глагол: аще же не послушает их, повеждь церкви: аще же и церковь преслушает, буди тебе якоже язычник и мытарь. Молю же вы, братие, блюдитеся от творящих распри и раздоры, кроме учения, емуже вы научистеся, и уклонитеся от них: о имени Господа нашего Иисуса Христа собравшымся вам и моему духу, с силою Господа нашего Иисуса Христа, ныне же писах вам не примешатися, аще некии, брат именуемь, будет блудник, или лихоимец, или идолослужитель, или досадитель, или пияница, или хищник. с таковым ниже ясти.

сами бо весте, како лепо есть вам подобитися нам: яко не безчинновахом у вас,

ниже туне хлеб ядохом у кого, но в труде и подвизе, нощь и день делающе, да не отягчим никогоже от вас:

не яко не имамы власти, но да себе образ дамы вам, во еже уподобитися нам.

Ибо егда бехом у вас, сие завещавахом вам: яко аще кто не хощет делати ниже да яст.

Слышим бо некия безчинно ходящыя у вас, ничтоже делающыя, но лукавно обходящыя:

таковым запрещаем и молим о Господе нашем Иисусе Христе, да с безмолвием делающе, свой хлеб ядят.

Вы же, братие, не стужайте, доброе творяще.

Аще же кто не послушает словесе нашего посланием, сего назнаменуйте и не примешайтеся ему, да посрамится:

и не аки врага имейте его, но наказуйте якоже брата.

Сам же Господь мира да даст вам мир всегда во всяцем образе: Господь со всеми вами.

Целование моею рукою павлею, еже есть знамение во всяцем послании: сице пишу:

благодать Господа нашего Иисуса Христа со всеми вами. Аминь.

← Предыдущая

Второе послание к Фессалоникийцам

1 2 3

Выбор основного перевода