Книга Св. Евангелие от Матфея Cтих 2

и глаголя: Господи, отрок мой лежит в дому разслаблен, люте стражда. Иисус же обращься и видев ю, рече: дерзай, дщи, вера твоя спасе тя. И спасена бысть жена от часа того. Вси бо его видеша и смутишася. И абие глагола с ними и рече им: дерзайте: аз есмь, не бойтеся. И став Иисус, рече его возгласити. И возгласиша слепца, глаголюще ему: дерзай, востани, зовет тя. Рече же ей: отпущаются тебе греси. И бысть егда разлучистася от него, рече петр ко Иисусу: наставниче, добро есть нам зде быти: и сотворим сени три, едину тебе, и едину моисеови, и едину илии: не ведый, еже глаголаше. В наставшую же нощь представ ему Господь, рече: дерзай, павле: якоже бо свидетелствовал еси яже о мне во иерусалиме, сице ти подобает и в риме свидетелствовати.

И се, нецыи от книжник реша в себе: сей хулит.

И видев Иисус помышления их, рече: вскую вы мыслите лукавая в сердцах своих?

что бо есть удобее рещи: отпущаются ти греси: или рещи: востани и ходи?

но да увесте, яко власть имать Сын человеческий на земли отпущати грехи: тогда глагола разслабленному: востани, возьми твой одр и иди в дом твой.

И востав, иде в дом свой.

Видевше же народи чудишася и прославиша Бога, давшаго власть таковую человеком.

И преходя Иисус оттуду, виде человека седяща на мытнице, матфеа глаголема: и глагола ему: по мне гряди. И востав по нем иде.

И бысть ему возлежащу в дому, и се, мнози мытари и грешницы пришедше возлежаху со Иисусом и со ученики его.

И видевше фарисее, глаголаху учеником его: почто с мытари и грешники учитель ваш яст и пиет?

Иисус же слышав рече им: не требуют здравии врача, но болящии:

шедше же научитеся, что есть: милости хощу, а не жертвы? не приидох бо призвати првдники, но грешники на покаяние.

Тогда приступиша к нему ученицы иоанновы, глаголюще: почто мы и фарисее постимся много, ученицы же твои не постятся?