Книга Св. Евангелие от Матфея Cтих 3

аз убо крещаю вы водою в покаяние: грядый же по мне креплий мене есть, емуже несмь достоин сапоги понести: той вы крестит духом святым и огнем: Иоанн свидетелствует о нем и воззва глагола: сей бе, егоже рех, иже по мне грядый, предо мною бысть, яко первее мене бе. той есть грядый по мне, иже предо мною бысть, емуже несмь аз достоин, да отрешу ремень сапогу его. Рече же павел: иоанн убо крести крещением покаяния, людем глаголя, да во грядущаго по нем веруют, сиречь во Христа Иисуса. еще бо мало елико елико, грядый приидет и не укоснит. Иоанн седмим церквам, яже суть во асии: благодать вам и мир от сущаго, и иже бе, и грядущаго, и от седми духов, иже пред престолом его суть, Аз есмь алфа и омега, начаток и конец, глаголет Господь, сый, и иже бе, и грядый, вседержитель.

И отвещав Иисус рече има: шедша возвестита иоаннови, яже слышита и видита:

слепии прозирают и хромии ходят, прокаженнии очищаются и глусии слышат, мертвии востают и нищии благовествуют:

и блажен есть, иже аще не соблазнится о мне.

Тема же исходящема, начат Иисус народом глаголати о иоанне: чесо изыдосте в пустыню видети? трость ли ветром колеблему?

Но чесо изыдосте видети? человека ли в мягки ризы облеченна? Се, иже мягкая носящии, в домех царских суть.

Но чесо изыдосте видети? пророка ли? Ей, глаголю вам, и лишше пророка.

Сей бо есть, о немже есть писано: се, аз посылаю ангела моего пред лицем твоим, иже уготовит путь твой пред тобою.

Аминь глаголю вам, не воста в рожденных женами болий иоанна крестителя: мний же во царствии небеснем болий его есть.

От дний же иоанна крестителя доселе царствие небесное нудится, и нуждницы восхищают е:

вси бо пророцы и закон до иоанна прорекоша.

И аще хощете прияти, той есть илиа хотяй приити:

имеяй ушы слышати да слышит.