Книга Св. Евангелие от Марка Cтих 33

И иде и нача проповедати в десяти градех, елика сотвори ему Иисус. И вси дивляхуся. И видев рече им: шедше покажитеся священником. И бысть идущым им, очистишася. Един же от них, видев, яко исцеле, возвратися, со гласом велиим славя Бога, и паде ниц при ногу его, хвалу ему воздая: и той бе самарянин. Отвещав же Иисус рече: не десять ли очистишася? да девять где? како не обретошася возвращшеся дати славу Богу, токмо иноплеменник сей? И рече ему: востав иди: вера твоя спасе тя. Отвеща убо он и рече: аще грешен есть, не вем: едино вем, яко слеп бех, ныне же вижу. яко аще исповеси усты твоими Господа Иисуса, и веруеши в сердцы твоем, яко Бог того воздвиже из мертвых, спасешися: сердцем бо веруется в правду, усты же исповедуется во спасение.

Он же рече ей: дщи, вера твоя спасе тя: иди в мире и буди цела от раны твоея.

Еще ему глаголющу, приидоша от архисинагога, глаголюще, яко дщи твоя умре: что еще движеши учителя?

Иисус же абие слышав слово глаголемое, глагола архисинагогови: не бойся, токмо веруй.

И не остави по себе ни единаго ити, токмо петра и иакова и иоанна брата иаковля.

И прииде в дом архисинагогов и виде молву, плачущыяся и кричащыя много.

И вшед глагола им: что молвите и плачетеся? отроковица несть умерла, но спит.

И ругахуся ему. Он же изгнав вся, поят отца отроковицы и матерь, и иже с ним, и вниде, идеже бе отроковица лежащи.

И емь за руку отроковицу, глагола ей: талифа куми: еже есть сказаемо: девице, тебе глаголю, востани.

И абие воста девица и хождаше: бе бо лет двоюнадесяте. И ужасошася ужасом велиим.

И запрети им много, да никтоже увесть сего, и рече: дадите ей ясти.

← Предыдущая

Св. Евангелие от Марка

1 2 3 4 5 6 7 8 9 10 11 12 13 14 15 16

Выбор основного перевода