Книга Св. Евангелие от Марка Cтих 13

Не разумеша бо о хлебех: бе бо сердце их окаменено. И глагола им: тако ли и вы неразумливи есте? не разумеете ли, яко все, еже извне входимое в человека, не может осквернити его? И разумев Иисус, глагола им: что помышляете, яко хлебы не имате? не у ли чувствуете, ниже разумеете? еще ли окаменено сердце ваше имате? очи имуще не видите? и ушы имуще не слышите? и не помните ли, И глагола им: како не разумеете? Он же обращься и воззрев на ученики своя, запрети петрови, глаголя: иди за мною, сатано: яко не мыслиши, яже Божия, но яже человеческа. И слово удержаша в себе, стязающеся, что есть, еже из мертвых воскрснути. Они же не разумеваху глагола и бояхуся его вопросити. Иисус же рече има: не веста, чесо просита: можета ли пити чашу, юже аз пию, и крещением, имже аз крещаюся, креститися?

Сеяй, слово сеет.

Сии же суть, иже при пути, идеже сеется слово, и егда услышат, абие приходит сатана и отемлет слово сеянное в сердцах их.

И сии суть такожде иже на каменных сеемии, иже егда услышат слово, абие с радостию приемлют е:

и не имут корения в себе, но привременни суть: таже бывшей печали или гонению словесе ради, абие соблажняются.

А сии суть, иже в тернии сеемии, слышащии слово:

и печали века сего, и лесть богатства, и о прочих похоти входящыя подавляют слово, и безплодно бывает.

И сии суть, иже на земли добрей сеяннии, иже слышат слово и приемлют, и плодствуют на тридесять, и на шестьдесят, и на сто.

И глаголаше им: еда светилник приходит, да под спудом положат его или под одром? не да ли на свещнице положен будет?

несть бо тайно, еже не явится, ниже бысть потаено, но да приидет в явление:

аще кто имать ушы слышати, да слышит.

И глаголаше им: блюдите что слышите: в нюже меру мерите, возмерится вам, и приложится вам слышащым:

иже бо аще имать, дастся ему: а иже не имать, и еже имать, отимется от него.