Книга Св. Евангелие от Марка Cтих 21

Ни братия бо его вероваху в него. Отвеща народ и рече: беса ли имаши? кто тебе ищет убити? Отвещаша убо иудее и реша ему: не добре ли мы глаголем, яко самарянин еси ты и беса имаши? Реша убо ему жидове: ныне разумехом, яко беса имаши: авраам умре и пророцы, и ты глаголеши: аще кто слово мое соблюдет, смерти не имать вкусити во веки: Глаголаху же мнози от них: беса имать и неистов есть: что его послушаете? Сия же ему отвещавающу, фист велиим гласом рече: беснуешися ли, павле? многия тя книги в неистовство прелагают.

И книжницы, иже от иерусалима низшедшии, глаголаху, яко веельзевула имать и яко о князи бесовстем изгонит бесы.

И призвав их, в притчах глаголаше им: како может сатана сатану изгонити?

И аще царство на ся разделится, не может стати царство то:

и аще дом на ся разделится, не может стати дом той:

и аще сатана воста на ся сам и разделися, не может стати, но конец имать.

Никтоже может сосуды крепкаго, вшед в дом его, расхитити, аще не первее крепкаго свяжет: и тогда дом его расхитит.

Аминь глаголю вам, яко вся отпустятся согрешения сыном человеческим, и хуления, елика аще восхулят:

а иже восхулит на духа святаго, не имать отпущения во веки, но повинен есть вечному суду.

Зане глаголаху: духа нечистаго имать.

Приидоша убо мати и братия его, и вне стояще послаша к нему, зовуще его.

И седяше народ окрест его. Реша же ему: се, мати твоя и братия твоя вне ищут тебе.

И отвеща им, глаголя: кто есть мати моя, или братия моя?

И соглядав окрест себе седящыя, глагола: се, мати моя и братия моя:

иже бо аще сотворит волю Божию, сей брат мой и сестра моя и мати есть.

← Предыдущая

Св. Евангелие от Марка

1 2 3 4 5 6 7 8 9 10 11 12 13 14 15 16

Выбор основного перевода