Книга Послание к Титу Cтих 5 | Параллельные места

Отвеща Иисус. аминь, аминь глаголю тебе: аще кто не родится водою и духом, не может внити во царствие Божие: зане от дел закона не оправдится всяка плоть пред ним. законом бо познание греха. Не разумеюще бо Божия правды и свою правду ищуще поставити, правде Божией не повинушася: Благодатию бо есте спасени чрез веру: и сие не от вас, Божии дар: не от дел, да никтоже похвалится. да освятит ю, очистив банею водною в глаголе:

егоже излия на нас обильно Иисус Христом, спасителем нашим,

да оправдившеся благодатию его, наследницы будем по упованию жизни вечныя.

верно слово, и о сих хощу тя извещати, да пекутся добрым делом прилежати веровавшии Богу: сия суть полезна человеком и добра.

Буих же стязаний и родословий и рвений и сваров законных отступай: суть бо неполезны и суетны.

Еретика человека по первом и вторем наказании отрицайся,

ведый, яко развратися таковый, и согрешает, и есть самоосужден.

егда послю артему к тебе или тихика, потщися приити ко мне в никополь: тамо бо судих озимети.

Зину законника и аполлоса скоро предпосли, и да ничтоже им скудно будет.

Да учатся же и наши добрым делом прилежати в нужная требования, да не будут безплодни.

Целуют тя со мною сущии вси. Целуй любящыя ны в вере. Благодать со всеми вами. Аминь.

← Предыдущая

Послание к Титу

1 2 3

Выбор основного перевода