Книга Послание к Римлянам Cтих 10

Бог же несть мертвых, но живых: вси бо тому живи суть. Аз бо законом закону умрох, да Богови жив буду. Христови сраспяхся: иже не имать по вся дни нужды, якоже первосвященницы, прежде о своих гресех жертвы приносити, потом же о людских: сие бо сотвори единою, себе принес. зане и Христос единою о гресех наших пострада, првник за неправедники, да приведет ны Богови, умерщвлен убо быв плотию, ожив же духом:

Такожде и вы помышляйте себе мертвых убо быти греху, живых же Богови, о Христе Иисусе Господе нашем.

Да не царствует убо грех в мертвеннем вашем теле, во еже послушати его в похотех его:

ниже представляйте уды вашя оружия неправды греху: но представляйте себе Богови яко от мертвых живых, и уды вашя оружия правды Богови.

Грех бо вами да не обладает. несте бо под законом, но под благодатию.

Что убо, согрешим ли, зане несмы под законом, но под благодатию, да не будет.

Не весте ли, яко емуже представляете себе рабы в послушание, раби есте, егоже послушаете, или греха в смерть, или послушания в правду?

Благодарим убо Бога, яко бесте раби греху, послушасте же от сердца, в оньже и предастеся образ учения.

Свобождшеся же от греха, поработистеся правде.

Человеческо глаголю, за немощь плоти вашея. Якоже бо представисте уды вашя рабы нечистоте и беззаконию в беззаконие, тако ныне представите уды вашя рабы правде во святыню.

Егда бо раби бесте греха, свободни бесте от правды.

Кий убо тогда иместе плод? О нихже ныне стыдитеся, кончина бо онех, смерть.

Ныне же свобождшеся от греха, порабощшеся же Богови, имате плод ваш во святыню, кончину же жизнь вечную.

Оброцы бо греха, смерть: дарование же Божие живот вечный о Христе Иисусе Господе нашем.

← Предыдущая

Послание к Римлянам

1 2 3 4 5 6 7 8 9 10 11 12 13 14 15 16

Выбор основного перевода