Книга Послание к Колоссянам Cтих 6

Добро соль: аще же соль не слана будет, чим осолится? Имейте соль в себе, и мир имейте между собою. Всяко слово гнило да не исходит из уст ваших, но точию еже есть благо к созданию веры, да даст благодать слышащым. яко да прославится имя Господа нашего Иисуса Христа в вас, и вы в нем, по благти Бога нашего и Господа Иисуса Христа. Господа же Бога освятите в сердцах ваших: готови же присно ко ответу всякому вопрошающему вы словесе о вашем уповании, с кротостию и страхом: но да растете во благодати и разуме Господа нашего и Спаса Иисуса Христа. Тому слава и ныне и в день века. Аминь.

Яже о мне, вся скажет вам тихик, возлюбленный брат и верен служитель и соработник о Господе,

егоже послах к вам на се истое, да разумеет яже о вас и утешит сердца ваша,

со онисимом, верным и возлюбленным братом нашим, иже есть от вас: вся вам скажут, яже зде.

Целует вы аристарх спленник мой, и марко анепсий варнавин, о немже приясте заповеди: аще приидет к вам, приимите его:

и иисус нареченный иуст, сущий от обрезания: сии едини споспешницы во царство Божие, иже быша ми утешение.

Целует вы епафрас, иже от вас, раб Иисуса Христа, всегда подвизаяйся о вас в молитвах, да будете совершени и исполнени во всяцей воли Божией.

Свидетелствую бо о нем, яко имать ревность многу о вас и о сущих в лаодикии и во иераполи.

Целует вы лука врачь возлюбленный, и димас.

Целуйте братию сущую в лаодикии, и нимфана, и домашнюю его церковь.

И егда прочтется послание сие у вас, сотворите, да и в лаодикиистей церкви прочтено будет, и написаное от лаодикии да и вы прочтете.

И рцыте архиппу: блюди служение, еже приял еси о Господе, да довершиши е.

Целование моею рукою павлею. Поминайте моя узы. Благодать со вами. Аминь.

← Предыдущая

Послание к Колоссянам

1 2 3 4

Выбор основного перевода