Книга Послание к Колоссянам Cтих 4

сеется не в честь, востает в славе. сеется в немощи, востает в силе. живу же не ктому аз, но живет во мне Христос. А еже ныне живу во плоти, верою живу Сына Божия, возлюбившаго мене и предавшаго себе по мне. Мне бо еже жити, Христос, и еже умрети, приобретение. иже преобразит тело смирения нашего, яко быти сему сообразну телу славы его, по действу еже возмогати ему и покорити себе всяческая. Возлюбленнии, ныне чада Божия есмы, и не у явися, что будем: вемы же, яко, егда явится, подобни ему будем, ибо узрим его, якоже есть.

Умертвите убо уды вашя, яже на земли: блуд, нечистоту, страсть, похоть злую и лихоимание, еже есть идолослужение,

ихже ради грядет гнев Божии на сыны противления.

в нихже и вы иногда ходисте, егда живясте в них.

Ныне же отложите и вы та вся: гнев, ярость, злобу, хуление, срамословие от уст ваших:

не лжите друг на друга, совлекшеся ветхаго человека с деяньми его

и облекшеся в новаго, обновляемаго в разум по образу создавшаго его,

идеже несть еллин, ни иудей, обрезание и необрезание, варвар и скиф, раб и свободь, но всяческая и во всех Христос.

Облецытеся убо якоже избраннии Божии, святи и возлюбленни, во утробы щедрот, благость, смиреномудрие, кротость и долготерпение,

приемлюще друг друга и прощающе себе, аще кто на кого имать поречение: якоже и Христос простил есть вам, тако и вы.

Над всеми же сими любовь, яже есть соуз совершенства:

и мир Божии да водворяется в сердцах ваших, в оньже и звани бысте во едином теле: и благодарни бывайте.

Слово Христово да вселяется в вас богатно, во всякой премудрости: учаще и вразумляюще себе самех во псалмех и пениих и песнех духовных, во благодати поюще в сердцах ваших Господеви.