Книга Послание к Галатам Cтих 4 | Параллельные места

И нецыи сшедше от иудеи, учаху братию, яко аще не обрежетеся по обычаю моисеову, не можете спастися. Понеже слышахом, яко нецыи от нас изшедше возмутиша вас словесы, развращающе душы вашя, глаголюще обрезатися и блюсти закон, имже мы не завещахом: в путных шествиих множицею: беды в реках, беды от разбойник, беды от сродник, беды от язык, беды во градех, беды в пустыни, беды в мори, беды во лжебратии: еже несть ино, точию нецыи суть смущающии вы и хотящии превратити благовествование Христово. Такожде и мы, егда бехом млади, под стихиами бехом мира порабощени:

имже ни к часу повинухомся в покорение, да истина благовестия пребудет в вас.

От мнящихся же быти что, якови некогда беша, ничтоже ми разнствует: лица Бог человеча не приемлет. Мне бо мнимии ничтоже привозложиша:

но сопротивное, уразумевше, яко уверено ми бысть благовестие необрезания, якоже петру обрезания:

ибо споспешествовавый петру в послание обрезания, споспешествова и мне во языки:

и познавше благодать данную ми, иаков и кифа и иоанн, мнимии столпи быти, десницы даша мне и варнаве общения, да мы во языки, они же во обрезание,

точию нищих да помнима: еже и потщахся сие истое сотворити.

Егда же прииде петр во антиохию, в лице ему противустах, яко зазорен бе.

Прежде бо даже не приити неким от иакова, с языки ядяше: егда же приидоша, опряташеся и отлучашеся, бояся сущих от обрезания.

И лицемеришася с ним и прочии иудеи, яко и варнаве пристати лицемерству их.

Но егда видех, яко не право ходят ко истине благовествования, рекох петру пред всеми: аще ты, иудей сый, язычески, а не иудейски живеши, почто языки нудиши иудейски жительствовати?

Мы естеством иудее, а не от язык грешницы:

уведевше же, яко не оправдится человек от дел закона, но токмо верою Иисус Христовою, и мы во Христа Иисуса веровахом, да оправдимся от веры Христовы, а не от дел закона: зане не оправдится от дел закона всяка плоть.