Книга Послание к Филиппийцам Cтих 10

и разумееши волю, и разсуждаеши лучшая, научаемь от закона, и не сообразуйтеся веку сему, но преобразуйтеся обновлением ума вашего, во еже искушати вам, что есть воля Божия благая и угодная и совершенная. да будете неповинни и цели, чада Божия непорочна посреде рода строптива и развращена, в нихже являетеся якоже светила в мире, ныне же примири в теле плоти его смертию его, представити вас стых и непорочных и неповинных пред собою, Сам же Бог мира да освятит вас всесовершенных во всем: и всесовершен ваш дух и душа и тело непорочно в пришествие Господа нашего Иисуса Христа да сохранится. совершенных же есть твердая пища, имущих чувствия обучена долгим учением в разсуждение добра же и зла.

исполнени плодов правды Иисус Христом, в славу и похвалу Божию.

Разумети же хощу вам, братие, яко яже о мне паче во успех благовествования приидоша,

яко узы моя явленны о Христе быша во всем судищи и в прочих всех,

и множайшии братия о Господе, надеявшиися о узах моих, паче дерзают без страха слово Божие глаголати.

Нецыи убо по зависти и ревности, друзии же и за благоволение Христа проповедают:

ови убо от рвения Христа возвещают нечисте, мняще печаль нанести узам моим:

ови же от любве, ведяще, яко во ответе благовествования лежу.

Что убо? Обаче всяцем образом, аще виною, аще истиною Христос проповедаемь есть, и о сем радуюся, но и возрадуюся:

вем бо, яко сие сбудется ми во спасение вашею молитвою и подаянием духа Иисус Христова,

по чаянию и упованию моему, яко ни о единем же постыжуся, но во всяцем дерзновении, якоже всегда, и ныне возвеличится Христос в теле моем, аще животом, аще ли смертию.

Мне бо еже жити, Христос, и еже умрети, приобретение.

Аще же, еже жити телом, сие мне плод дела: и что изволю, не вем.