Книга Послание к Евреям Cтих 4 | Параллельные места

Сего ради глаголю вам: всяк грех и хула отпустится человеком: а яже на духа хула не отпустится человеком: тогда идет и поймет с собою седмь иных духов лютейших себе, и вшедше живут ту: и будут последняя человеку тому горша первых. Тако будет и роду сему лукавому. Отвеща Иисус и рече еи: аще бы ведала еси дар Божии, и кто есть глаголяй ти: даждь ми пити: ты бы просила у него, и дал бы ти воду живу. Сие едино хощу уведети от вас: от дел ли закона духа приясте, или от слуха веры? Подаяй убо вам духа и действуяй силы в вас, от дел ли закона, или от слуха веры? Благодатию бо есте спасени чрез веру: и сие не от вас, Божии дар:

и добраго вкусивших Божия глагола и силы грядущаго века,

и отпадших, паки обновляти в покаяние, второе распинающих Сына Божия себе и обличающих.

Земля бо пившая сходящий на ню множицею дождь и раждающая былия добрая оным, имиже и делаема бывает, приемлет благословение от Бога:

а износящая терния и волчец непотребна есть и клятвы близ, еяже кончина в пожжение.

Надеемся же о вас, возлюбленнии, лучших и придержащихся спсния, аще и тако глаголем.

Не обидлив бо Бог, забыти дела вашего и труда любве, юже показасте во имя его, послуживше святым и служаще.

Желаем же, да кийждо вас являет тожде тщание ко извещению упования даже до конца,

да не лениви будете, но подражателе наследствующих обетования верою и долготерпением.

Аврааму бо обетовая Бог, понеже ни единем имяше болшим клятися, клятся собою,

глаголя: воистинну благословя благословлю тя и умножая умножу тя.

И тако долготерпев, получи обетование.

Человецы бо болшим кленутся, и всякому их прекословию кончина во извещение клятва.