Книга Послание к Евреям Cтих 3 | Параллельные места

Несть ученик над учителя, ниже раб над господина своего: И благослови я симеон, и рече к марии матри его: се лежит сей на падение и на востание многим во израили, и в знамение пререкаемо: аще мир вас ненавидит, ведите, яко мене прежде вас возненавиде. поминаите слово, еже аз рех вам. несть раб болии господа своего. аще мене изгнаша, и вас изженут. аще слово мое соблюдоша, и ваше соблюдут. Доброе же творяще, да не стужаем си: во время бо свое пожнем, не ослабеюще. ово убо, поношеньми и скорбьми позор бывше, ово же, общницы бывше живущым тако:

Не у до крове стасте, противу греха подвизающеся,

и забысте утешение, еже вам яко сыном глаголет: сыне мой, не пренемогай наказанием Господним, ниже ослабей, от него обличаемь.

Егоже бо любит Господь, наказует: биет же всякаго сына, егоже приемлет.

Аще наказание терпите, якоже сыновом обретается вам Бог. Который бо есть сын, егоже не наказует отец?

Аще же без наказания есте, емуже причастницы быша вси, убо прелюбодейчищи есте, а не сынове.

К сим, плоти нашей отцы имехом наказатели, и срамляхомся: не много ли паче повинемся Отцу духовом, и живи будем?

Они бо в мало дний, якоже годе им бе, наказоваху нас: а сей на пользу, да причастимся святыни его.

Всякое бо наказание в настоящее время не мнится радость быти, но печаль: последи же плод мирен наученым тем воздает правды.

Темже ослабленныя руки и ослабленная колена исправите

и стези правы сотворите ногами вашими, да не хромое совратится, но паче да изцелеет.

Мир имейте и святыню со всеми, ихже кроме никтоже узрит Господа:

смотряюще, да не кто лишится благодати Божия: да не кий корень горести, выспрь прозябаяй, пакость сотворит, и тем осквернятся мнози: