Книга Послание к Евреям Cтих 25 | Параллельные места

Не бывайте удобь преложни ко иному ярму, якоже невернии. Кое бо причастие правде к беззаконию? Или кое общение свету ко тьме? Кое же согласие Христови с велиаром? Или кая часть верну с неверным? Или кое сложение церкви Божией со идолы? Вы бо есте церкви Бога жива, якоже рече Бог: яко вселюся в них и похожду, и буду им Бог, и тии будут мне людие. Темже изыдите от среды их и отлучитеся, глаголет Господь, и нечистоте не прикасайтеся, и аз прииму вы:

болшее богатство вменив египетских сокровищ поношение Христово: взираше бо на мздовоздаяние.

Верою остави египет, не убоявся ярости царевы: невидимаго бо яко видя, терпяше.

Верою сотвори пасху и пролитие крове, да не погубляяй перворожденная коснется их.

Верою преидоша чермное море аки по сусе земли: егоже искушение приемше египтяне истопишася.

Верою стены иерихонския падоша обхождением седмих дний.

Верою раав блудница не погибе с сопротивльшимися, приимши сходники с миром.

И что еще глаголю? Не достанет бо ми повествующу времене о гедеоне, вараце же и сампсоне и иеффаи, о давиде же и самуиле, и о пророцех,

иже верою победиша царствия, содеяша правду, получиша обетования, заградиша уста львов,

угасиша силу огненную, избегоша острея меча, возмогоша от немощи, быша крепцы во бранех, обратиша в бегство полки чуждих:

прияша жены от воскресения мертвых своих: инии же избиени быша, не приемше избавления, да лучшее воскресние улучат:

друзии же руганием и ранами искушение прияша, еще же и узами и темницею,

камением побиени быша, претрени быша, искушени быша, убийством меча умроша, проидоша в милотех в козиях кожах, лишени, скорбяще, озлоблени:

ихже не бе достоин мир, в пустынех скитающеся и в горах и в вертепах и в пропастех земных.

И сии вси послушествани бывше верою, не прияша обетования,

Богу лучшее что о нас предзревшу, да не без нас совершенство приимут.

← Предыдущая

Послание к Евреям

1 2 3 4 5 6 7 8 9 10 11 12 13

Выбор основного перевода