Книга Послание к Евреям Cтих 16 | Параллельные места

Выбор основного перевода

Открыть комментарий или сравнить с другим переводом

Выбор книги основного перевода

Послание к Евреям Новый Завет

Новый Завет

Св. Евангелие от Матфея

Св. Евангелие от Марка

Св. Евангелие от Луки

Св. Евангелие от Иоанна

Деяния св. Апостолов

Послание Иакова

Первое послание Петра

Второе послание Петра

Первое послание Иоанна

Второе послание Иоанна

Третье послание Иоанна

Послание Иуды

Послание к Римлянам

Первое послание к Коринфянам

Второе послание к Коринфянам

Послание к Галатам

Послание к Ефесянам

Послание к Филиппийцам

Послание к Колоссянам

Первое послание к Фессалоникийцам

Второе послание к Фессалоникийцам

Первое послание к Тимофею

Второе послание к Тимофею

Послание к Титу

Послание к Филимону

Послание к Евреям

Откровение Иоанна Богослова

← Предыдущая

Послание к Евреям

Следующая →

1 2 3 4 5 6 7 8 9 10 11 12 13

Сень бо имый закон грядущих благ, не самый образ вещей, на всякое лето темиже жертвами, ихже приносят выну, никогдаже может приступающих совершити.

Понеже престали бы быти приносимы, ни едину ктому имущым совесть о гресех служащым, единою очищенным.

Но в них воспоминание грехов на коеждо лето бывает,

невозможно бо крови юнчей и козлей отпущати грехи.

Темже входя в мир, глаголет: жертвы и приношения не восхотел еси, тело же совершил ми еси:

всесожжений и о гресе не благоволил еси.

Тогда рех: се, иду: в главизне книжней написася о мне, еже сотворити волю твою, Боже.

Выше глаголя: яко жертвы и приношения и всесожжений и о гресех не восхотел еси, ниже благоволил еси: яже по закону приносятся:

тогда рече: се, иду сотворити волю твою, Боже. Отемлет первое, да второе поставит.

О нейже воли освящени есмы принесением тела Иисус Христова единою.

И всяк убо священник стоит на всяк день служя и тыяжде множицею принося жертвы, яже никогдаже могут отяти грехов.

Он же едину о гресех принес жертву, всегда седит о десную Бога,

прочее ожидая, дондеже положатся врази его подножие ног его:

единем бо приношением совершил есть во веки освящаемых.

Свидетелствует же нам и дух святый, по реченному бо прежде:

сей завет, егоже завещаю к ним по днех онех, глаголет Господь, дая законы моя на сердца их, и в помышлениих их напишу их:

Параллельные места

Послание к Римлянам 11:27

Послание к Евреям 8:8

Послание к Евреям 8:10

и сей им от мене завет, егда отиму грехи их. Укоряя бо их глаголет: се, дние грядут, глаголет Господь, и совершу на дом израилев и на дом иудов завет нов, Яко сей завет, егоже завещаю дому израилеву по онех днех, глаголет Господь, дая законы моя в мысли их, и на сердцах их напишу их, и буду им Бог, и тии будут мне людие.

и грехов их и беззаконий их не имам помянути ктому.

А идеже отпущение сих, ктому несть приношения о гресех.

Имуще убо дерзновение, братие, входити во святая кровию Иисус Христовою, путем новым и живым,

егоже обновил есть нам завесою, сиречь плотию своею,

и иереа велика над домом Божиим,

да приступаем со истинным сердцем во извещении веры, окроплени сердцы от совести лукавыя и измовени телесы водою чистою:

да держим исповедание упования неуклонное, верен бо есть обещавый:

и да разумееваем друг друга в поощрении любве и добрых дел,

не оставляюще собрания своего, якоже есть неким обычай, но подвизающе, и толико паче, елико видите приближающийся день.

Волею бо согрешающым нам по приятии разума истины, ктому о гресех не обретается жертва,

страшно же некое чаяние суда и огня ревность, поясти хотящаго сопротивныя.

Отверглся кто закона моисеова, без милосердия при двоих или триех свидетелех умирает:

колико мните горшия сподобится муки, иже Сына Божия поправый, и кровь заветную скверну возмнив, еюже освятися, и духа благодати укоривый?

Вемы бо рекшаго: мне отмщение, аз воздам, глаголет Господь. И паки: яко судит Господь людем своим.

Страшно еже впасти в руце Бога живаго.

Воспоминайте же первыя дни вашя, в нихже просветившеся, многия страсти претерпесте страданий,

ово убо, поношеньми и скорбьми позор бывше, ово же, общницы бывше живущым тако:

ибо узам моим спострадасте и разграбление имений ваших с радостию приясте, ведяще имети себе имение на небесех пребывающее и лучшее.

Не отлагайте убо дерзновения вашего, еже имать мздовоздаяние велико.

Терпения бо имате потребу, да волю Божию сотворше, приимете обетование:

еще бо мало елико елико, грядый приидет и не укоснит.

А првдный от веры жив будет: и аще обинется, не благоволит душа моя о нем.

Мы же несмы обиновения в погибель, но веры в снабдение души.

← Предыдущая

Послание к Евреям

Следующая →

1 2 3 4 5 6 7 8 9 10 11 12 13

Выбор основного перевода