Книга Послание к Ефесянам Cтих 9

Отверз же петр уста, рече: поистинне разумеваю, яко не на лица зрит Бог, От мнящихся же быти что, якови некогда беша, ничтоже ми разнствует: лица Бог человеча не приемлет. Мне бо мнимии ничтоже привозложиша: Раби, послушайте по всему плотских господии, не пред очима точию работающе аки человекоугодницы, но в простоте сердца, боящеся Бога. И всяко, еже аще что творите, от души делайте, якоже Господу, а не человеком, ведяще, яко от Господа приимете воздаяние достояния: Господу бо Христу работаете. А обидяй восприимет, еже обиде: и несть лица обиновения.

Прочее же, братие моя, возмогайте во Господе и в державе крепости его:

облецытеся во вся оружия Божия, яко возмощи вам стати противу кознем диаволским,

яко несть наша брань к крови и плоти, но к началом, и ко властем, и к миродержителем тмы века сего, к духовом злобы поднебесным.

Сего ради приимите вся оружия Божия, да возможете противитися в день лют и вся содеявше стати.

Станите убо препоясани чресла ваша истиною, и оболкшеся в броня правды,

и обувше нозе во уготование благовествования мира:

над всеми же восприимше щит веры, в немже возможете вся стрелы лукаваго разжженныя угасити:

и шлем спасения восприимите, и мечь духовныи, иже есть глагол Божий:

всякою молитвою и молением молящеся на всяко время духом, и в сие истое бдяще во всяком терпении и молитве о всех святых

и о мне, да дастся ми слово во отверзение уст моих, с дерзновением сказати тайну благовествования,

о немже посолствую во узах, да в нем дерзаю, якоже подобает ми глаголати.

Да увесте же и вы, яже о мне, что делаю, вся скажет вам тихик, возлюбленныи брат и верен служитель о Господе,

егоже послах к вам на сие истое, да увесте, яже о нас, и да утешит сердца ваша.

Мир братии и любовь с верою от Бога Отца и Господа Иисуса Христа.

Благодать со всеми любящими Господа нашего Иисуса Христа в неистлении. Аминь.

← Предыдущая

Послание к Ефесянам

1 2 3 4 5 6

Выбор основного перевода