Книга Послание к Ефесянам Cтих 5

яко сын мой сей мертв бе, и оживе: и изгибл бе, и обретеся. И начаша веселитися. возвеселити же ся и возрадовати подобаше, яко брат твой сей мертв бе, и оживе: и изгибл бе, и обретеся. ниже представляйте уды вашя оружия неправды греху: но представляйте себе Богови яко от мертвых живых, и уды вашя оружия правды Богови. Аще ли же дух воскресившаго Иисуса от мертвых живет в вас, воздвигии Христа из мертвых оживотворит и мертвенная телеса ваша, живущим духом его в вас.

и с ним воскреси, и спосади на небесных во Христе Иисусе,

да явит в вецех грядущих презелное богатство благодати своея благостынею на нас о Христе Иисусе.

Благодатию бо есте спасени чрез веру: и сие не от вас, Божии дар:

не от дел, да никтоже похвалится.

Того бо есмы творение, создани во Христе Иисусе на дела благая, яже прежде уготова Бог, да в них ходим.

Темже поминайте, яко вы, иже иногда языцы во плоти, глаголемии необрезание от рекомаго обрезания во плоти, рукотвореннаго,

яко бесте во время оно без Христа, отчуждени жития израилева и чужди от завет обетования, упования не имуще и безбожни в мире:

ныне же о Христе Иисусе вы, бывшии иногда далече, близ бысте кровию Христовою.

Той бо есть мир наш, сотворивый обоя едино, и средостение ограды разоривый,

вражду плотию своею, закон заповедий ученьми упразднив, да оба созиждет собою во единаго новаго человека, творя мир,

и примирит обоих во единем теле Богови крестом, убив вражду на нем:

и пришед благовести мир вам, дальним и ближним,