Книга Послание Иакова Cтих 4 | Параллельные места

Горе, егда добре рекут вам вси человецы: по сим бо творяху лжепророком отцы их. аще от мира бысте были, мир убо свое любил бы. якоже от мира несте, но аз избрах вы от мира, сего ради ненавидит вас мир. зане мудрование плотское вражда на Бога: закону бо Божию не покаряется, ниже бо может. Вера бо честа и нескверна пред Богом и Отцем сия есть, еже посещати сирых и вдовиц в скорбех их, и нескверна себе блюсти от мира.

Или мните, яко всуе писание глаголет: к зависти желает дух, иже вселися в ны?

Болшую же дает благодать: темже глаголет: Господь гордым противится, смиренным же дает благодать.

Повинитеся убо Богу, противитеся же диаволу, и бежит от вас.

Приближитеся Богу, и приближится вам: очистите руце, грешницы, исправите сердца ваша, двоедушнии:

постраждите и слезите и плачитеся: смех ваш в плачь да обратится, и радость в сетование:

смиритеся пред Господем, и вознесет вы.

Не оклеветайте друг друга, братие: оклеветаяй бо брата, или осуждаяй брата своего, оклеветает закон и осуждает закон: аще же закон осуждаеши, неси творец закона, но судия.

Един есть законоположник и судия, могий спасти и погубити: ты же кто еси осуждаяй друга?

Слышите ныне, глаголющии: днесь или утре пойдем во он град, и сотворим ту лето едино, и куплю деем и приобретение:

иже не весте, что утре случится: кая бо жизнь ваша, пара бо есть, яже вмале является, потом же исчезает.

Вместо еже бы глаголати вам: аще Господь восхощет, и живи будем, и сотворим сие или оно:

ныне же хвалитеся в гордынех ваших: всяка хвала такова зла есть.

Ведущему убо добро творити, и не творящему, грех ему есть.

← Предыдущая

Послание Иакова

1 2 3 4 5

Выбор основного перевода