Книга Послание Иакова Cтих 6 | Параллельные места

Глаголю же вам, яко всяко слово праздное, еже аще рекут человецы, воздадят о нем слово в день судный: от словес бо своих оправдишися и от словес своих осудишися. не входящее во уста сквернит человека: но исходящее изо уст, то сквернит человека. исходящая же изо уст, от сердца исходят, и та сквернят человека: от сердца бо исходят помышления злая, убийства, прелюбодеяния, любодеяния, татьбы, лжесвидетелства, хулы: и иже аще приимет отроча таково во имя мое, мене приемлет: Глагола ему Иисус: не глаголю тебе: до седмь крат, но до седмьдесят крат седмерицею.

всяко бо естество зверей же и птиц, гад же и рыб, укрощается и укротится естеством человеческим,

языка же никтоже может от человек укротити: не удержимо бо зло, исполнь яда смертоносна.

Тем благословляем Бога и Отца, и тем кленем человеки бывшыя по подобию Божию:

от техже уст исходит благословение и клятва. Не подобает, братие моя возлюбленная, сим тако бывати.

Еда ли источник от единаго устия источает сладкое и горькое?

Еда может, братие моя, смоковница маслины творити, или виноградная лоза смоквы? такожде ни един источник слану и сладку творит воду.

Кто премудр и худог в вас, да покажет от добраго жития дела своя в кротости и премудрости.

Аще же зависть горьку имате и рвение в сердцах ваших, не хвалитеся, ни лжите на истину:

несть сия премудрость свыше низходящи, но земна, душевна, бесовска:

идеже бо зависть и рвение, ту нестроение и всяка зла вещь.

А яже свыше премдрость, первее убо честа есть, потом же мирна, кротка, благопокорлива, исполнь милости и плодов благих, несуменна и нелицемерна.

Плод же правды в мире сеется творящым мир.

← Предыдущая

Послание Иакова

1 2 3 4 5

Выбор основного перевода