Книга Первое послание Петра Cтих 7

И сие, ведяще время, яко час уже нам от сна востати. Ныне бо ближайшее нам спассение, нежели егда веровахом. Нощь убо прейде, а день приближися: отложим убо дела темная, и облечемся во оружие света. не скоро подвизатися вам от ума, ни ужасатися ниже духом, ниже словом, ни посланием аки от нас посланным, яко уже настоит день Христов. долготерпите убо и вы, утвердите сердца ваша, яко пришествие Господне приближися. Не воздыхайте друг на друга, братие, да не осуждени будете: се, судия пред дверьми стоит. Темже, возлюбленнии, препоясавше чресла помышления вашего, трезвящеся, совершенне уповайте на приносимую вам благодать откровением Иисус Христовым.

Прежде же всех друг ко другу любовь прилежну имейте, зане любовь покрывает множество грехов.

Страннолюбцы друг ко другу, без роптании.

Кийждо якоже прият дарование, между себе сим служаще, яко добрии строителие различныя благодати Божия.

Аще кто глаголет, яко словеса Божия: аще кто служит, яко от крепости, юже подает Бог: да о всем славится Бог Иисус Христом, емуже есть слава и держава во веки веков. Аминь.

Возлюбленнии, не дивитеся еже в вас раждежению ко искушению вам бываему, яко чужду вам случающуся:

но понеже приобщаетеся Христовым страстем, радуйтеся, яко да и в явление славы его возрадуетеся веселящеся.

Аще укоряеми бываете о имени Христове, блажени есте яко славы и Божий дух на вас почивает: онеми убо хулится, а вами прославляется.

Да не кто убо от вас постраждет яко убийца, или яко тать, или яко злодей, или яко чуждопосетитель:

аще ли же яко Христианин, да не стыдится, да прославляет же Бога в части сей.

Яко время начати суд от дому Божия: аще же прежде от вас, кая кончина противящымся Божию евлию?

И аще првник едва спасется, нечестивый и грешный где явится?

Темже и страждущии по воли Божией, яко верну зиждителю да предадят душы своя во благотворении.

← Предыдущая

Первое послание Петра

1 2 3 4 5

Выбор основного перевода