Книга Первое послание Петра Cтих 9

Аз же глю вам: любите враги вашя, благословите кленущыя вы, добро творите ненавидящым вас, и молитеся за творящих вам напасть и изгонящыя вы, ни единому же зла за зло воздающе, промышляюще добрая пред всеми человеки. Блюдите, да никтоже зла за зло кому воздаст: но всегда доброе гоните и друг ко другу и ко всем. глаголя: воистинну благословя благословлю тя и умножая умножу тя. Яко тако есть воля Божия, благотворящым обуздовати безумных человек невежство: иже укаряемь противу не укаряше, стражда не прещаше, предаяше же судящему првно:

Хотяй бо живот любити и видети дни благи, да удержит язык свой от зла, и устне свои еже не глаголати льсти.

Да уклонится от зла, и да сотворит благо, да взыщет мира и да держится его:

зане очи Господни на првныя, и ушы его в молитву их, лице же Господне на творящыя злая, еже потребити их от земли.

И кто озлобит вас, аще благому подобницы будете?

Но аще и страждете правды ради, блажени есте: страха же их не убойтеся, ниже смущайтеся.

Господа же Бога освятите в сердцах ваших: готови же присно ко ответу всякому вопрошающему вы словесе о вашем уповании, с кротостию и страхом:

совесть имуще благу, да о немже клевещут вас аки злодеев, постыдятся злословящии ваше благое о Христе житие.

Лучше бо есть благое творящым, аще хощет воля Божия, пострадати, нежели зло творящым:

зане и Христос единою о гресех наших пострада, првник за неправедники, да приведет ны Богови, умерщвлен убо быв плотию, ожив же духом:

о немже и сущым в темнице духовом сошед проповеда,

противльшымся иногда, егда ожидаше Божие долготерпение, во дни ноевы, делаему ковчегу, в немже мало, сиречь осмь душ, спасошася от воды.

Егоже воображение ныне и нас спасает крещение, не плотския отложение скверны, но совести благи вопрошение у Бога, воскреснием Иисус Христовым,

иже есть одесную Бога, возшед на небо, покоршымся ему ангелом и властем и силам.

← Предыдущая

Первое послание Петра

1 2 3 4 5

Выбор основного перевода