Молю убо вас, братие, щедротами Божиими, представите телеса ваша жертву живу, святу, благоугодну Богови, словесное служение ваше,
Глаголю же: духом ходите, и похоти плотския не совершайте:
плоть бо похотствует на духа, дух же на плоть: сия же друг другу противятся, да не яже хощете, сия творите.
А иже Христовы суть, плоть распяша со страстьми и похотьми.
Темже убо ктому несте странни и пришелцы, но сожителе святым и приснии Богу,
Не оклеветайте друг друга, братие: оклеветаяй бо брата, или осуждаяй брата своего, оклеветает закон и осуждает закон: аще же закон осуждаеши, неси творец закона, но судия.