Книга Первое послание к Коринфянам Cтих 17

шедше убо научите вся языки, крестяще их во имя Отца и Сына и Святаго Духа, Иисус же сам не крещаше, но ученицы его: Повеле же им креститися во имя Иисус Христово. Тогда молиша его пребыти у них дни некия. и аз пришед к вам, братие, приидох не по превосходному словеси или премудрости возвещая вам свидетельство Божие. и слово мое и проповедь моя не в препретельных человеческия премудрости словесех, но в явлении духа и силы. яже и глаголем не в наученых человеческия премудрости словесех, но в наученых духа стаго, духовная духовными сразсуждающе. Не ухищренным бо баснем последовавше сказахом вам силу и пришествие Господа нашего Иисуса Христа, но самовидцы бывше величествия онаго.

слово бо крестное погибающым убо юродство есть, а спасаемым нам сила Божия есть.

писано бо есть. погублю премудрость премудрых, и разум разумных отвергу.

где премудр, где книжник, где совопросник века сего, не обуи ли Бог премудрость мира сего,

понеже бо в премудрости Божиеи не разуме мир премудростию Бога, благоизволил Бог буистовм проповеди спасти верующих.

понеже и иудее знамения просят, и еллини премудрости ищут.

мы же проповедуем Христа распята, иудеем убо соблазн, еллином же безумие,

самем же званным иудеем же и еллином, Христа, Божию силу и Божию премудрость.

зане буее Божие премудрее человек есть. и немощное Божие крепчае человек есть.

видите бо звание ваше, братие. яко не мнози премудри по плоти, не мнози сильни, не мнози благородни.

но буяя мира избра Бог, да премудрыя посрамит. и немощная мира избра Бог, да посрамит крепкая.

и худородная мира и уничиженная избра Бог, и не сущая, да сущая упразднит.

яко да не похвалится всяка плоть пред Богом.

из негоже вы есте о Христе Иисусе, иже бысть нам премудрость от Бога, правда же и освящение и избавление,

да, якоже пишется. хваляися, о Господе да хвалится.

Первое послание к Коринфянам

1 2 3 4 5 6 7 8 9 10 11 12 13 14 15 16

Выбор основного перевода